அடிப்படை வசதியற்ற நிலையில் மூதூர் பிரதேச தாழ்நிலப் பகுதி மக்கள்

(முறாசில்)

அடை மழையால் பாதிக்கப்பட்டுள்ள மூதூர் பிரதேசத்தின் தாழ்நிலப் பகுதி வாழ் மக்கள் உணவு மற்றும் அடிப்படை வசதிகளற்ற நிலையிலுள்ளதாகத் தெரிவிக்கப்படுகிறது.

மூதூர் பிரதேச செயலகப் பிரிவிலுள்ள 20 இற்கும் அதிகமான கிராமங்களிலுள்ள தாழ் நிலப்பகுதிகளில் மக்களே மழை வெள்ளத்தினால் பாதிக்கப்பட்டுள்ளனர்.  

மழை வெள்ளத்தால் தமது குடியிருப்புக்கள் நீரில் மூழ்கியுள்ளதுடன், தமது தொழில் நடவடிக்கைகளும் பாதிக்கப்பட்டுள்ள நிலையில் புத்தாண்டு தினத்தில் கூட தமது அடுப்புக்கள் எரிக்கப்படாத அவலநிலைக்கு உள்ளாகியுள்ளதாக தெரிவித்த இம்மக்கள்,  தமது இந்த நிலைமை தொடர்பில் சம்பந்தம்பட்ட அரசாங்க அதிகாரிகளோ, அரசியல் தலைவர்களோ, தன்னார்வத் தொண்டு நிறுவனங்களோ கவனத்திற் கொள்ளாதது தமக்கு கவலையளிப்பதாக பாதிக்கப்பட்ட மக்கள் தெரிவிக்கின்றனர்.