வெள்ளம் காரணமாக இடம்பெயர்ந்த மக்களை குடியமர்த்துவது தொடர்பாக கலந்துரையாடல்

(முறாசில்)

வெள்ளப்பெருக்கினால் ஏற்பட்ட பாதிப்புக்களை நிவர்த்தி செய்து, இடம்பெயர்ந்தவர்களை அவர்களது சொந்த இடங்களில் குடியமர்த்துவது தொடர்பான உயர்மட்டக் கலந்துரையாடலொன்று மூதூரில் நடைபெற்றது.

மூதூர் பிரதேச செயலாளர் என்.செல்வநாயகம் தலைமையில் நடைபெற்ற இக்கலந்துரையாடலில், நிறுவனத் தலைவர்களும் தன்னார்வ தொண்டு நிறுவனங்களின் முக்கியஸ்தர்களும் கலந்து கொண்டனர்.

இடம்பெயர்ந்த மக்களை மீளக்குடியமரச் செய்யும் வகையில் அவர்களது அடிப்படைத் தேவைகளை பெற்றுக்கொடுப்பது சம்பந்தமாக இக்கலந்துரையாடலில் விரிவாக ஆராயப்பட்டது.