கிண்ணியா வைத்தியசாலையில் வைத்தியர் பற்றாக்குறை

(எம்.பரீட்)

கிழக்கு மாகாண சுகாதார அமைச்சின் கீழ் இயங்கி வரும் கிண்;ணியா தள வைத்தியசாலையில் வைத்தியர்களுக்கு பாரிய தட்டுப்பாடு நிலவி வருகின்றன. 32 வைத்தியர்கள் தேவைப்படும் இவ்வைத்திய சாலையில் 8 வைத்தியர்கள் மட்டுமே தற்போது கடமையாற்றி வருகின்றனர்.

இதனால் இந்த வைத்தியர்களே வெளிநோயாளர் பிரிவு,சத்திரச்சிகிச்சைப்பிரிவு, அவசர சிகிச்சைப்பிரிவு, வார்ட் மற்றும் ஏனைய பகுதிகளையும் பல்வேறு சிரமங்களுக்;கும் மத்தியில் மேற்கொண்டு வருகின்றனர். இதனால் பொது மக்களும் சிறந்த சுகாதார சேவையினை பெற்றுக் கொள்ள முடியாது சிரமத்துக்கும் உள்ளாகின்றனர்.

இவ்வைத்தியசாலையில் கிண்ணியா பிரதேச மக்கள் மட்டுமின்றி முள்ளிப் பொத்தானை, தம்பலகாமம், வெள்ளைமணல் மற்றும் மூதூர் போன்ற பகுதிகளைச் சேர்ந்த மக்களும் பயன்பெற்று வருகின்றமை குறிப்பிடத்தக்கது.