திருமலையில் தந்தை செல்வாவின் சிரார்த்த தினம் அனுஷ்டிப்பு

(எஸ்.எஸ்.குமார்)

தந்தை செல்வாவின் 34ஆவது சிராத்த தினம் திருகோணமலையிலும் அனுஷ்டிக்கப்பட்டது. தமிழரசுக்கட்சியின் திருகோணமலை கிளையினால் இது ஏற்பாடு செய்யப்பட்டிருந்தது.

திருஞானசம்பந்தர் வீதி, சிவபுரி சந்தியில் அமைந்துள்ள அன்னாரது உருவச் சிலைக்கு மலர்மாலை அணிவிக்கப்பட்டு நிகழ்வுகள் நடைபெற்றன. இதில் தமிழரசுக்கட்சியின் திருகோணமலை கிளைத் தலைவரும் முன்னாள் நாடாளுமன்ற உறுப்பினருமான க.துரைரெட்ணசிங்கம் தலைமை வகித்தார்.

நகரசபையின் தலைவர் க.செல்வராசா. உப தலைவர் சோ.ஸ்ரீஸ்கந்தராஜா மற்றும் உறுப்பினர்களான  கோ.சத்தியசீலராஜா, சி.நந்தகுமார், நா.சதீஸ்கண்ணா ஆகியோரும் இதில் கலந்து கொண்டனர்.