மாவட்ட ஆயுர்வேத வைத்தியசாலைக்கு கிழக்கு மாகாண முதலமைச்சர் விஜயம்

(அப்துல் சலாம் யாசீம்)

திருகோணமலை, கப்பல்துறையில் அமைந்துள்ள மாவட்ட ஆயுர்வேத வைத்தியசாலைக்கு கிழக்கு மாகாண முதலமைச்சர் சி. சந்திரகாந்தன் நேற்று வியாழக்கிழமை விஜயம் செய்தார்.

சுதேச மருத்துவ திணைக்களத்தின் மாகாண ஆணையாளர் திருமதி இந்திராணி தர்மராஜாவை சந்தித்து ஆயுர்வேத வைத்தியசாலையின் குறைபாடுகள் மற்றும் தேவைகள் குறித்து முதலமைச்சர் கேட்டறிந்து கொண்டதுடன் வைத்தியசாலையில் சிகிச்சை பெற்றுவரும் நோயாளர்களையும் பார்வையிட்டார்.