பாம்புக்கடிக்கு இலக்காகி இரண்டரை வயது குழந்தை பலி

(அப்துல்சலாம் யாசிம்)

திருகோணமலை குச்சவெளி  ஜாயா நகர் பகுதியில்  இரண்டு வயது குழந்தையொன்று பாம்புக்கடிக்கு இலக்காகி உயிரிழந்துள்ளதாக குச்சவெளி பொலிஸார் தெரிவித்தனர்.

இன்று திங்கட்கிழமை இடம்பெற்ற இச்சம்பவத்தில் நுஸ்ரா என்ற குழந்தையே உயிரிழந்துள்ளது. இக் குழந்தை தனது வீட்டு முற்றத்தில் விளையாடிக்கொண்டிருந்த நிலையில் பாம்புக்கடிக்கு உள்ளாகியுள்ளது.

மேற்படி குழந்தையை வைத்தியாசாலைக்கு கொண்டு செல்லும் வழியில் உயிரிழந்துள்ளதாக குழந்தையின் பெற்றோர் தெரிவித்தனர்.

தற்போது குழந்தையின் சடலம் பிரேத பரிசோதனைக்காக குச்சவெளி வைத்தியசாலையில் வைக்கப்பட்டுள்ளது.