கிண்ணியா வலயக் கல்விப் பணிப்பாளர் திருமலை வைத்தியசாலைக்கு மாற்றம்

(எஸ்.எஸ்.குமார்)

தாக்குதலுக்குள்ளான கிண்ணியா வலயக் கல்விப் பணிப்பாளர் யூ.எல்.எம்.ஹாசிம் மேலதிக  சிகிச்சைக்காக  திருகோணமலை பொதுவைத்தியசாலைக்கு நேற்று புதன்கிழமை மாலை  மாற்றப்பட்டுள்ளார்.

இவரது கண்களில் கடுமையாகத் தாக்கப்பட்டுள்ளதாக  வைத்தியர்கள் தெரிவிக்கின்றனர்.

கிண்ணியா வலயக் கல்விப் பணிப்பாளர் யூ.எல்.எம்.ஹாசீம் திருகோணமலையில் நடைபெற்ற கல்விச் செயலமர்வில் கலந்துகொண்டு வீடு திரும்பிக்கொண்டிருந்தபோது, நேற்றுமுன்தினம் செவ்வாய்க்கிழமை மாலை இனந்தெரியாதோரால் தாக்கப்பட்டிருந்தார்.  

தாக்குதலுக்குள்ளான இவர் கிண்ணியா வைத்தியசாலையில் அனுமதிக்கப்பட்டு சிகிச்சை பெற்று வந்த நிலையிலேயே, மேலதிக சிகிச்சைக்காக திருகோணமலை வைத்தியசாலைக்கு மாற்றப்பட்டுள்ளார்.