கிண்ணியா விவசாய காணிகளை மீட்பதற்கான கலந்துரையாடல்

(எம்.பரீட்)

கிண்ணியா பிரதேசத்தில் உள்ள விவசாயிகளின் பூர்வீக சொத்தான வாழைமடு, சுண்டியாறு, கல்லறப்பு, மற்றும் செம்பிமோட்டைகளில் அமைந்துள்ள விவசாயக் காணிகளை விவசாய செய்கைக்காக மீட்டுத் தருமாறு கோரி கலந்துரையாடல் ஒன்று நேற்று மாலை கிண்ணியா நகரசபை கேட்போர் மண்டபத்தில் நடைபெற்றது.

இந்நிகழ்வில், மாகாண சபை உறுப்பினர் எம்.ஏ.எம்.மஹ்ரூப், கிண்ணியா நகரசபைத் தவிசாளர் எம்.எம்.ஹில்மி, உதவித் தவிசாளர் எம்.சீ.சபறுல்லா, கிண்ணியா பிரதேச உதவித் தவிசாளர். எம்.கே.எம்.நிஹார் உட்பட பலர் கலந்து கொண்டனர்.

பயிர்ச்செய்கைக்காக இக்காணிகளை துப்பரவு செய்வதற்கு பொலிஸாரும் இராணுவத்தினரும் தடையாக இருப்பதாகவும் இதனை ஏனையோர்களுக்கு வழங்க நடவடிக்கை எடுக்கப்பட்டு வருவதாகவும் விவசாயிகள் இதன்போது தெரிவித்தமை குறிப்பிடத்தக்கது.