கண்டல்காட்டில் கசிப்பு தயாரிப்பு நிலையம் முற்றுகை

(எம்.பரீட்)

திருகோணமலை, கண்டல்காட்டுப் பகுதியில் மதுவரி திணைக்கள அதிகாரிகளால் மேற்கொள்ளப்பட்ட திடீர் சுற்றிவளைப்பின் போது 7 பீப்பாக்களில் கசிப்பு (கள்ளச்சாராயம்) கைப்பற்றப்பட்டு அவ்விடத்திலேயே முற்றாக அழிக்கப்பட்டுள்ளது.

பொது மக்களில் தகவல் ஒன்றின் பேரில் திருகோணமலை மதுவரித் திணைக்களப் பொறுப்பதிகாரி ஏ.எம்.ஆஸாட் தலைமையில் 10 பேர்கள் கொண்ட குழுவினர் இத்தேடுதல் நடவடிக்கையை மேற்கொண்டிருந்தனர்.

இதன் போது சட்டவிரோத மதுபானம் காய்ச்சும் 5 தளங்கள் முற்றாக கைப்பற்றப்பட்டு அழிக்கப்பட்டதாகவும், இவை தொடர்பாக இதுவரை எவரும் கைது செய்யப்படவில்லையெனவும் தெரிவிக்கப்படுகின்றது.