கிண்ணியா தளவைத்தியசாலையில் பெண் தாதிமார்களுக்கு தட்டுப்பாடு

(எம்.பரீட்)

கிண்ணியா தளவைத்தியசாலையில் பெண் தாதிமார்களுக்கு பெரும் பற்றாக்குறை நிலவி வருவதால், பெண் நோயாளர்கள் அசௌகரியங்களுக்குள்ளாகி வருகின்றனர்.

இவ்வைத்தியசாலையில் பணி புரிந்த பெண் தாதிமார்கள் பலர் பதிலாள் இல்லாமல் இடமாற்றப்பட்டுள்ளதால் பெண் தாதிமார்களுக்கான பற்றாக்குறை நிலவுவதாகத் தெரிவிக்கப்படுகிறது. இதன் காரணமாக இவ்வைத்தியசாலையில் அதிகமான பிரிவுகளில் ஆண் தாதிமார்களே கடமையாற்றுவதாகவும் ஆண் தாதிமார்களே பெண் நோயாளர்களையும் கவனிக்கவும் வேண்டியுள்ளது.

எனவே இது தொடர்பில் இப்பிரதேச அரசியல் தலைவர்கள், சமூக அமைப்புக்கள் என்பன கவனத்திற்கொண்டு போதியளவு பெண் தாதிமார்களை பெற்றுக்கொடுக்க நடவடிக்கை எடுக்க வேண்டுமெனவும் கோரிக்கை விடுக்கப்பட்டுள்ளது.