கிரிக்கெட் தொடரில் சம்பியனான கிண்ணியா மத்திய கல்லூரி மாணவர்களுக்கு வரவேற்பு

(எம்.பரீட், எஸ்.எஸ்.குமார்)

அகில இலங்கை ரீதியில் பாடசாலைகளுக்கிடையிலான 19 வயதிற்குட்பட்ட கிரிக்கெட் தொடரில் சம்பியனான கிண்ணியா மத்திய கல்லூரி மாணவர்களுக்கு பாரிய வரவேற்பளிக்கப்பட்டது.

கிண்ணியா பிரதேசத்திற்கு இன்று திங்கட்கிழமை காலை வந்த மாணவர்களுக்கு கிண்ணியா பாலத்திலிருந்து மாபெரும் வரவேற்பளிக்கப்பட்டது.

இதேவேளை கிரிக்கெட் போட்டியில் சம்பியனான கிண்ணியா மத்திய கல்லூரி மாணவர்களுக்கு திருகோணமலை மாவட்ட நாடளுமன்ற உறுப்பினர் எம்.எஸ்.தௌபீக் வாழ்த்து தெரிவித்துள்ளார்.

கிண்ணியா பிரதேசத்தை சேர்ந்த ஏனைய மாணவர்களும் இது போன்ற பல சாதனைகளை புரிய வேண்டும் எனவும் அவர் குறிப்பிட்டுள்ளார்.

அத்துடன் குறித்த தொடரில் சம்பியனான மாணவர்கள் இச்சாதனையுடன் மாத்திரம் நின்றுவிடாமல் தொடர்ந்து இன்னும் பல சாதனைகளை புரிய வேண்டும் என தௌபீக் மேலும் தெரிவித்துள்ளார்.