தம்பலகாமம் வைத்தியசாலை மருத்துவர்களுக்கு எதிராக பொதுமக்கள் ஆர்ப்பாட்டம்

(கஜன்)

தம்பலகாமம் வைத்தியசாலை மருத்துவர்களினதும்,  ஊழியர்களின் நடவடிக்கைகளை கண்டித்து பிரதேச  மக்களால் இன்று வெள்ளிக்கிழமை காலை ஆர்ப்பாட்டம் ஒன்று மேற்கொள்ளப்பட்டது.

கடந்த புதன்கிழமை வைத்தியசாலையில் மருத்துவர்கள் கடமையில் இல்லாத நிலையில் வேறு இடத்திற்கு அழைத்துச் சென்றவேளை சிறுமி உயிரிழந்தார். இதற்கு மருத்துவர்களே  காரணம் என்று தெரிவிக்கப்படுகின்றது.

குறித்த தினம் 2 மருத்துவர்கள் அங்கு சேவையாற்ற அமர்த்தப்பட்டிருந்து போதும் இருவரும் அங்கு கடமையாற்றவில்லை எனவும் பொது மக்களால் தெரிவிக்கப்படுகின்றது. இதனால் மேற்படி மருத்துவர்கள் மீது உரிய நடவடிக்கை எடுக்கப்பட வேண்டும் என்று கோரி இந்த ஆர்ப்பாட்டம்  மேற்கொள்ளப்பட்டது.