உணவகங்கள் மூடப்பட்டன

-எஸ்.சசிக்குமார்

திருகோணமலை பிரதான பஸ் தரிப்பு நிலையத்துக்கு முன்னாலுள்ள  இரண்டு உணவகங்கள்  சுகாதார அதிகாரிகளின் அறிவுறுத்தலுக்கமைய நேற்று வியாழக்கிழமை மூடப்பட்டுள்ளன.

இந்த உணவகங்களில் சுகாதாரம் மந்தகதியில்  காணப்பட்ட நிலையில் சுகாதாரத்தை பேணுமாறு உணவக உரிமையாளர்களுக்கு சுகாதார அதிகாரிகள் அறிவுறுத்தியிருந்தனர். இருந்தபோதிலும், சுகாதாரம் சீராக்கம் செய்யப்படவில்லை. இந்நிலையிலேயே இந்த உணவகங்களை மூடுமாறு சுகாதார அதிகாரிகள் பணித்தனர்.
இதனைத் தொடர்ந்து இரண்டு உணவகங்களும்  மூடப்பட்டன. இம்மாதம் இந்த இரண்டு உணவகங்களுக்கும் 20,000 ரூபாய், 35,000 ரூபாய் தண்டம்  நீதிமன்றத்தால் விதிக்கப்பட்டிருந்தது.