கஞ்சா வைத்திருந்த சிவில் பாதுகாப்பு உத்தியோகத்தர் கைது

-ஏ.எஸ்.எம்.யாசீம்

திருகோணமலை கோமரங்கடவெல  பொலிஸ்  பிரிவுக்குட்பட்ட பம்புறுகஸ்வெவ பகுதியில் 7கிரேம் கேரளா கஞ்சா வைத்திருந்த சிவில் பாதுகாப்பு உத்தியோகத்தர் ஒருவரை நேற்று (14)மாலை கைது செய்துள்ளதாக பொலிஸார் தெரிவித்தனர்.

குறித்த நபர் கோமரங்கடவெல பிரதேசத்திலுள்ளவர்களுக்கு கேரளா கஞ்சாவினை  விற்று வருகின்றமை தொடர்பில் கிடைக்கப்பெற்ற இரகசிய தகவலையடுத்து சோதனையை மேற்கொண்ட பொலிஸார் அவரை கைதுசெய்தனர்.

கைது செய்யப்பட்டவர் கோமரங்கடவெல - பபுறுகஸ்வெவ பகுதியைச் சேர்ந்த எம்.துஸார  பியவர்தன (வயது 37) எனவும் பொலிசார் தெரிவித்தனர்.