சேயாவின் கொலையை கண்டித்து ஆர்ப்பாட்டம்

-எப்.முபாரக்
                    
சிறுமி சேயா செதவ்மி வன்புணர்வுக்கு உட்படுத்தி கொலை செய்யப்பட்டமையைக் கண்டித்தும் இலங்கையில் மரண தண்டனையை அமுல்படுத்துமாறு கோரியும் கந்தளாயில் ஆர்ப்பாட்டம் இன்று வெள்ளிக்கிழமை  இடம்பெற்றது.

கிழக்கு மாகாண பெண்கள் அமைப்பினால் முன்னெடுக்கப்பட்ட இந்த ஆர்ப்பாட்டத்தில்  இருநூறுக்கும் மேற்பட்ட பெண்கள் பங்கு கொண்டனர்.

'மக்களே உங்கள் குழந்தைகளை பாதுகாத்துக் கொள்ளுங்கள்', 'குழந்தைகள் மீது கைவைக்கும் காமுகர்களுக்கு மரண தண்டனையை நிறைவேற்று' போன்ற வாசகங்கள் எழுதப்பட்ட வாசக அட்டைகளை  ஆர்ப்பாட்டக்காரர்கள் ஏந்தியிருந்தார்கள்.