சாராயத்துடன் இருவர் கைது

-ஏ.எஸ்.எம்.யாசீம்

தனியார் பஸ்ஸில் 12 சாராயப் போத்தல்களை மறைத்து விற்பனைக்காக கொண்டுசென்ற குற்றச்சாட்டில் பயணியொருவரை திருகோணமலை, கோமரங்கடவெலப் பகுதியில்  கைதுசெய்துள்ளதாக பொலிஸார்  தெரிவித்தனர்.

சாராயம் விற்பனை செய்தமை தொடர்பாக சந்தேக நபருக்கு திருகோணமலை நீதிமன்றத்தில் பல வழக்குகள் தாக்கல் செய்யப்பட்டுள்ளதாகவும் பொலிஸார்  தெரிவித்தனர்.

இவ்வாறிருக்க, சட்டவிரோதமான முறையில் வீட்டில் சாராயம் விற்று வருவதாக கிடைத்த தகவலை அடுத்து மற்றுமொரு நபரையும் கைதுசெய்துள்ளதாகவும் பொலிஸார்  குறிப்பிட்டனர்.