சிறுமியை மோட்டார் சைக்கிளால் மோதிய இளைஞனுக்கு விளக்கமறியல்

தீசான் அஹமட்

மூதூர் பொலிஸ் பிரிவுக்குட்பட்ட மூதூர் பகுதியில், வியாழக்கிழமை இடம்பெற்ற விபத்தில், 07 வயது சிறுமியை மோட்டார் சைக்கிளினால் மோதி காயப்படுத்திய 20 வயது இளைஞனை, 24ஆம் திகதி வரை விளக்கமறியல் வைக்குமாறு மூதூர் பதில் நீதவான் எம்.நயீம், நேற்று (21) உத்தரவிட்டார்.

இதன்போது படுகாயங்களுக்குள்ளான சிறுமி, மூதூர் தள வைத்தியசாலையில் அனுமதிக்கப்பட்டு மேலதிக சிகிச்சைகளுக்காக மட்டக்களப்பு போதனா வைத்தியசாலைக்கு மாற்றப்பட்டு சிகிச்சை பெற்று வருகிறார்.

மூதூர் பொலிஸாரால் கைது செய்யப்பட்ட குறித்த இளைஞன், மூதூர் நீதவான் நீதிமன்றத்தில் நேற்று ஆஜர்படுத்தப்பட்டதையடுத்தே, குறித்த இளைஞன் விளக்கமறியலில் வைக்கப்பட்டுள்ளார்.