சட்ட விரோதமாக மீன் பிடிக்கச் சென்றவர்கள் கைது

-ஏ.எஸ்.எம்.யாசீம்

திருகோணமலை,ஜமாலியா பகுதியில் சட்ட விரோதமான முறையில் மீன் பிடிக்கச்சென்ற இரண்டு பேரை மூன்று டைனமைட்டுக்களுடன் கைது செய்துள்ளதாக தலைமையக பொலிஸார் தெரிவித்தனர்.

திருகோணமலை ஜமாலியா பகுதியைச் சேர்ந்த அலியார் இர்சாத் (வயது 36)  ஜயவிக்ரம புர -பகுதியைச் சேர்ந்த எஸ்.எம்.ஆனந்த (வயது 41) ஆகியோரே இவ்வாறு கைதுசெய்யப்பட்டுள்ளனர்.

இதன்போது,கைது செய்யப்பட்டவர்களிடமிருந்து  வள்ளமும்  படகு இயந்திரமும் கைப்பற்றப்பட்டுள்ளதாகவும் நாளை திங்கட்கிழமை திருகோணமலை நீதிமன்றத்தில் ஆஜர்படுத்தவுள்ளதாகவும் தலைமையக பொலிஸார் தெரிவித்தனர்.