ஜின்னாநகரிலுள்ள தபாலகம், கடைகளில் திருட்டு

-நஹீம் முஹம்மட் புஹாரி

திருகோணமலை, தோப்பூர் ஜின்னாநகர் பகுதியிலுள்ள உப தபாலகம் மற்றும் கடைகளில் வியாழக்கிழமை அதிகாலை திருட்டுப் போயுள்ளதாக பொலிஸார் தெரிவித்தனர்.

உப தபாலகம் உடைக்கப்பட்டு 17,740 ரூபாய் திருடப்பட்டுள்ளது. அத்துடன், இந்த உப தபாலகத்துக்கு அருகிலிருந்து இரண்டு தேநீர் கடைகள் உடைக்கப்பட்டு பால்மா மற்றும் பிஸ்கட் பக்கெட்டுகள் திருடப்பட்டுள்ளன. மேலும், இரும்புப்பொருட்களை விற்பனை செய்யும் நிலையம் உடைக்கப்பட்டு 5,000 ரூபாய் திருடப்பட்டுள்ளதாகவும் பொலிஸார் கூறினர்.

இந்த திருட்டுச் சம்பவங்கள் தொடர்பில் பொலிஸாரிடம் செய்த முறைப்பாட்டை தொடர்ந்து, சம்பவ இடத்துக்கு சென்று பொலிஸார் விசாரணைகளை மேற்கொண்டனர்.