பார ஊர்தி குடைசாய்ந்ததில் சாரதிக்கு காயம்

தீஷான் அஹமட்

திருகோணமலை , கந்தளாய் அக்போபுர பொலிஸ் பிரிவுக்குட்பட்ட 86 ஆம் மைல்  கட்டை பகுதியில் பார ஊர்தியொன்று குடைசாய்ந்ததில் சாரதி பலத்த காயங்களுக்குள்ளாகி  கந்தளாய் தள வைத்தியசாலையில் அனுமதிக்கப்பட்டுள்ளதாக பொலிஸார்  தெரிவித்தனர்.

குறித்த பார ஊர்தி  கொழும்பிலிருந்து திருகோணமலை நோக்கி பசளை ஏற்றிச்  சென்ற போது,  புதன்கிழமை (29) குடைசாய்ந்ததாகவும், பொலிஸார் தெரிவித்தனர்.

குறித்த சம்பவம் தொடர்பான மேலதிக விசாரணைகளை கந்தளாய் அக்போபுர பொலிஸார் மேற்கொண்டு வருகின்றனர்.