புதிய உறுப்பினர் பதவிப் பிரமாணம்

ஹஸ்பர் ஏ ஹலீம்

தம்பலகமம் பிரதேச சபையின் மக்கள் காங்கிரஸின்  புதிய உறுப்பினராக  இக்பால் நஜீபுள்ளா, தவிசாளர் ஏ.ஜீ.சம்பிக்க பண்டார முன்னிலையில் இன்று (11) காலை பதவிப் பிரமாணம் செய்துகொண்டார்.

அகில இலங்கை மக்கள் காங்கிரஸ் உறுப்பினராக செயற்பட்ட முன்னாள் உறுப்பினர் ஆர் .எம்.றெஜீன் பதவி விலகியதையடுத்து, சுழற்சி முறையில் இவர்  உறுப்பினராக நியமனம் செய்யப்பட்டுள்ளார்.

பதவிப் பிரமாண நிகழ்வில் தம்பலகமம் பிரதேச சபை செயலாளர் எஸ்.என்.எம்.நிஜாம், அகில இலங்கை மக்கள் காங்கிரஸ் சேருவில தேர்தல் தொகுதி அமைப்பாளர் எம்.எஸ். ஐயூப் கான் உள்ளிட்ட பலர் கலந்துகொண்டனர்.