போதை மாத்திரைகளுடன் கைது செய்யப்பட்டவருக்கு விளக்கமறியல்

கிண்ணியா பாலத்துக்கருகில் 90 போதை மாத்திரைகளுடன் கைதுசெய்யப்பட்ட சந்தேகநபரை டிசெம்பர் மாதம் 14ஆம் திகதி வரை விளக்கமறியலில் வைக்குமாறு, திருகோணமலை நீதிமன்ற பிரதான நீதவான் எம்.எச்.எம்.ஹம்ஸா உத்தரவிட்டார்.

இவ்வாறு கைதுசெய்யப்பட்டவர், பெரிய கிண்ணியாவைச் ​சேர்ந்த அப்துல்காதர்  அமானுல்லாஹ் (37 வயது)  எனவும் பொலிஸார் தெரிவித்தார்.

கிண்ணியா பாலத்துக்கருகில் போதை மாத்திரைகளை விற்பனை செய்து வருவதாக வழங்கப்பட்ட இரகசியத் தகவலையடுத்து கிண்ணியா பொலிஸ் பொறுப்பதிகாரி எச்.எம்.பீ.பீ.விஜயசிறி தலைமையில் பொலிஸார் சோதனையிட்ட போது, 90 போதை மாத்திரைகள் கைப்பற்றப்பட்டதாகவும் பொலிஸார் தெரிவித்தனர்.