மணல் ஏற்றிய நால்வர் கைது

அப்துல்சலாம் யாசீம், ஹஸ்பர் ஏ ஹலீம், ஒலுமுதீன் கியாஸ், ஏ.எம்.ஏ.பரீத்

கிண்ணியா பொலிஸ் பிரிவுக்குட்பட்ட உப்பாறு பாலத்துக்குக் கீழ் நிபந்தனைகளை மீறி மணல் ஏற்றிய நால்வர், நேற்று (11) மாலை கைதுசெய்யப்பட்டுள்ளனரென, திருகோணமலை பிராந்திய போதைப்பொருள் தடுப்புப் பிரிவினர் தெரிவித்தனர்.

குறித்த சந்தேகநபர்கள் வருகை தந்த 4 உழவு இயந்திரங்களுடன் இதன்போது கைப்பற்றப்பட்டுள்ளனர்.

கிண்ணியா, காக்காமுனை, இடிமன், மஹ்ரூப் நகர் மற்றும் மஹமாறு போன்ற கிராமங்களைச் சேர்ந்த 25 - 30வயதுக்கு உட்பட்டவர்களே இவ்வாறு கைதுசெய்யப்பட்டுள்ளனர்.

உழவு இயந்திரங்களுடன், கைதுசெய்யப்பட்ட நான்கு பேரையும் கிண்ணியா பொலிஸ் நிலையத்தில் ஒப்படைத்துள்ளதாகவும் சந்தேகநபர்களை திருகோணமலை நீதிமன்றத்தில் ஆஜர்படுத்த நடவடிக்கை எடுத்துள்ளதாகவும் பொலிஸார் தெரிவித்தனர்.