மதுபான விற்பனையில் ஈடுபட்டவர் கைது

அப்துல்சலாம் யாசீம்

நாட்டில் மதுபான நிலையங்கள் அனைத்தும் மூடப்பட்டுள்ள நிலையில், திருகோணமலை, மொரவெவ  பிரதேசத்தில் சட்டவிரோதமான முறையில் மதுபானத்தை விற்பனை செய்த நபரொருவரை, நேற்றிரவு (02) கைது செய்துள்ளதாக பொலிஸார் தெரிவித்தனர்.

மொரவெவ பிரதேசத்தில் இளைஞரொருவர் சட்டவிரோதமான முறையில் மதுபானத்தை அதிக விலைக்கு விற்பனை செய்து வருவதாக  பொலிஸாருக்கு தகவல் கிடைத்துள்ளது.

இதனையடுத்து, அங்கு விரைந்த மொரவெவ பொலிஸார்,  பலாங்கொடை பகுதியைச் சேர்ந்த 23 வயதுடைய அவ்விளைஞனைக் கைது செய்துள்ளனர்.

சந்தேகநபரை பொலிஸ் பிணையில் விடுத்துள்ளதாகவும் எதிர்வரும் 22ஆம் திகதி திருகோணமலை நீதிமன்றத்துக்கு வருகை தருமாறும் மொரவெவ பொலிஸார் தெரிவித்துள்ளனர்.