ரயிலில் மோதி இளைஞன் பலி

-ஏ.எஸ்.எம்.யாசிம்

திருகோணமலையிலிருந்து சீனக்குடாவிலுள்ள சீமெந்து தொழிற்சாலை நோக்கி சென்ற ரயிலுடன் மோதி இளைஞன் ஒருவர் உயிரிழந்துள்ளார்.

திருகோணமலை,பாலையூற்று கிராமத்தைச் சேர்ந்த றியாஸ் மொஹமட் ரினாஸ் (வயது 18) என்ற இளைஞனே இன்று திங்கட்கிழமை இவ்வாறு ரயிலுடன் மோதுண்டு உயிரிழந்துள்ளதாக சீனக்குடா பொலிஸார் தெரிவித்தனர்.

குறித்த இளைஞன் காதில் எட்போன் அணிந்துகொண்டு தண்டவாளத்தில் சென்றுக்கொண்டிருந்த போதே பின்னால் வந்த ரயிலுடன் மோதுண்டு உயிரிழந்துள்ளார்.

சடலம் திருகோணமலை பொது வைத்தியசாலையில் வைக்கப்பட்டுள்ளது.