விபத்தில் சாரதி படுகாயம்

-ஏ.எஸ்.எம்.யாசீம்

திருகோணமலை புத்தளம் பிரதான வீதியில் இன்று செவ்வாய்க்கிழமை பிற்பகல் கெப் வண்டியும் சிறிய உழவு இயந்திரமும் மோதி விபத்துக்குள்ளானதில் உழவு இயந்திரத்தின் சாரதியான திருகோணமலை,மஹாதிவுள்வௌ பகுதியைச் சேர்ந்த டி.ஐி.றஐித் சன்கேத் (வயது 23) என்பவர் படுகாயங்களுக்குள்ளாகியுள்ளார்.

அநுராதபுரம் பகுதியிலிருந்து வேகமாக வந்த கெப் வாகனத்துடன் உள்ளக வீதியினூடாக வந்த உழவு இயந்திரம் மோதுண்டதிலேயே இவ்விபத்து இடம்பெற்றுள்ளது.

விபத்தில் படுகாயமடைந்த நபர் மஹாதிவுள்வௌ வைத்தியசாலையில் அனுமதிக்கப்பட்ட பின்னர் மேலதிக சிகிச்சைக்காக திருகோணமலை பொது வைத்தியசாலைக்கு மாற்றப்பட்டுள்ளார்.