வெற்றிடங்களை விரைவில் பூர்த்தி செய்ய நடவடிக்கை

-எப்.முபாரக்   

இணக்க சபைகளில் நிலவும் வெற்றிடங்களை விரைவில் நிரப்புவதற்கு நீதி அமைச்சு திட்டமிட்டுள்ளதாக அறிவித்துள்ளது.

கிளிநொச்சி, முல்லைத்தீவு, திருகோணமலை, மன்னார், பதுளை, கண்டி, கம்பஹா, குருநாகல், ஹம்பாந்தோட்டை, காலி, மொனராகலை, கேகாலை மற்றும் புத்தளம் ஆகிய மாவட்டங்களில் இந்நடவடிக்கை முன்னெடுக்கப்படவுள்ளதுடன், இதற்கான விண்ணப்பங்கள் கோரப்படவுள்ளது.

மேலும், இணக்க சபைகளை வலுவூட்டுவதன் ஊடாக பிரதேச மட்டத்தில் நிலவும் சில பிரச்சனைகளுக்கு தீர்வை பெற்றுக் கொள்ள முடியும் எனவும் வருடம் ஒன்றுக்கு சுமார் இரண்டு  இலட்சம் முறைப்பாடுகள் இணக்க சபைகளுக்கு கிடைப்பதுடன் அவற்றின்  50 சதவீதமான முறைப்பாடுகளுக்கே இணக்கப்பாடு எட்டப்படுவதாகவும் நீதி அமைச்சு தெரிவித்துள்ளது.