விபத்தில் பிரான்ஸ் யுவதி படுகாயம்

திருகோணமலை, அலஸ்தோட்டம் பகுதியில், நேற்று (24) மாலை, மோட்டார் சைக்கிள்கள் இரண்டு மோதி விபத்துக்குள்ளானதில், இருவர் படுகாயமடைந்த நிலையில், திருகோணமலை பொது வைத்தியசாலையில் அனுமதிக்கப்பட்டுள்ளனரென, பொலிஸார் தெரிவித்தனர்.

விபத்தில், பிரான்ஸைச் சேர்ந்த ஜெசிக்கா லூசியா (வயது 28) என்ற யுவதியும், திருகோணமலை, ஜமாலியா பகுதியைச் சேர்ந்த இளைஞனுமே படுகாயமடைந்துள்ளனரெனவும், பொலிஸார் தெரிவித்தனர்.

இவ்விபத்துத் தொடர்பான மேலதிக விசாரணைகளை, உப்புவெளிப் பொலிஸார் மேற்கொண்டு வருகின்றனர்.