மொட்டு வேட்பாளர் யார்? ; ஆருடம் கூறினார் நாமல்

தனது பெயர் எதுவாக இருந்தாலும், இந்த ஆண்டு ஜனாதிபதித் தேர்தலில் பொஹொட்டு சின்னம் நிச்சயம் காணப்படும் என ஸ்ரீலங்கா பொதுஜன பெரமுனவின் தேசிய அமைப்பாளரும், பாராளுமன்ற உறுப்பினருமான நாமல் ராஜபக்ஷ, தெரிவித்துள்ளார்.

ஜனாதிபதித் தேர்தலில் பொதுஜன பெரமுன நிச்சயமாக ஒரு வேட்பாளரை முன்வைக்கும் என்றும் அந்த வேட்பாளர்களில்  ரணில் விக்ரமசிங்கவாகவும் இருக்கலாம் என்றும் நாமல் ராஜபக்ச கூறினார்.

திப்பட்டுவாவே ஸ்ரீ சித்தார்த்த சுமங்கல, மல்வத்து மகாநாயக்க தேரர் ஆகியோரை தரிசித்ததன் பின்னர் ஊடகங்களுக்கு கருத்து தெரிவித்த பாராளுமன்ற உறுப்பினர் நாமல் ராஜபக்ஷ மேலும் கூறியதாவது:

நாங்கள் ஒரு திட்டத்தோடு அரசியல் செய்பவர்கள். வந்தது போனது என்று   முடிவெடுப்பதில்லை. நாட்டின் எதிர்காலம் குறித்தும், கட்சியின் கொள்கைகள் குறித்தும் சிந்தித்த பிறகே முடிவுகள் எடுக்கப்படுகின்றன. எங்கள் கட்சி ஒரு நோக்கத்துடன் உருவாக்கப்பட்டது.

இந்த நாட்டில் கட்சிகளின் கொள்கைகள் காலத்துக்குக் காலம் நவீனமயமாக்கப்பட்டு வருகின்றன. ஜனதா விமுக்தி பெரமுனாவும் நவீனமயமாக்க முயற்சிக்கிறது.

இந்தியா, கனடா, அமெரிக்கா ஆகிய நாடுகளுக்கு அனுரகுமார திஸாநாயக்கச் சென்றார். அப்போது இந்திய விஸ்தரிப்புவாதத்தை எதிர்த்து எத்தனை போராட்டங்கள் நடத்தினார்கள்? அவை அனைத்தும் இன்று சில மாற்றங்களுக்கான தொடக்கத்தில் உள்ளன. மக்கள் தேர்வு செய்ய பல விருப்பங்கள் உள்ளன. மக்கள் அவர்களில் சிறந்த விருப்பத்தைத் தேர்ந்தெடுப்பார்கள் என்றார்.