கோர விபத்து…

முந்தல், பத்துளுஓயா உடப்பு சந்தியில் இன்று (26) அதிகாலை 5.30 மணியளவில் இடம்பெற்ற விபத்தில் பஸ் நடத்துநர் ஒருவர் உயிரிழந்துள்ளார் என்பதுடன், மேலும் 6 பேர் காயமடைந்துள்ளனரென, உடப்பு பொலிஸார் தெரிவித்தனர்.

புத்தளம், குருநாகல் வீதியைச் சேர்ந்த வர்ணகுலசூரிய எரங்க கிரிசாந்த் பர்ணான்டோ ( வயது 34) என்பவ​ரே, இவ்விபத்தில் உயிரிழந்துள்ளார்.

வவுனியாவில் இருந்து கொழும்பு நோக்கிச் சென்ற தனியார் பஸ்ஸொன்றும், யாழ்ப்பாணத்தில் இருந்து சிலாபம், உடப்பு நோக்கிச் சென்ற சிறிய லொறியொன்றும் மோதியதில், இவ்விபத்துச் சம்பவித்துள்ளதாகப் பொலிஸார் தெரிவித்தனர்.

(படங்கள்: முஹம்மது முஸப்பிர், ரஸீன் ரஸ்மின், க.மகாதேவன்)