தூய நீருக்காக...

ஊர்காவற்றுறை புனித மேரி தேவாலயத்தில், கடற்படையினரால் அமைக்கப்பட்ட நீர் சுத்திகரிப்பு இயந்திரம், ஞாயிற்றுக்கிழமை திறந்துவைக்கப்பட்டுள்ளது.

கடற்படை தளபதி, வைஸ் அட்மிரல் ரவிந்திர விஜேகுணரத்னவின் பணிப்புக்கு அமைய, கடற்படையினரால், நாட்டின் பல பிரதேசங்களில் இவ்வாறான நீர் சுத்திகரிப்பு இயந்திர நிலையங்கள் அமைக்கப்பட்டு வருகின்றன.

அதில் ஒரு பகுதியாக, சிறுநீரக நோய் பாதிப்பு காணப்படும் பிரதேசங்களில், இவ்வாறான நீர் சுத்திகரிப்பு இயந்திர நிலையங்கள் அமைக்கப்பட்டு வருகின்றன.

யாழ். மாவட்ட பேராயர் ​ஜஸ்டின் பேர்ணாட் ஞானபிரகாசம் அடிகாளாரின் கோரிக்கைக்கு அமைய, ஊர்காவற்றுறை புனித மேரி தேவாலயத்தில், இந்த நீர் சுத்திகரிப்பு இயந்திர நிலையம் அமைக்கப்பட்டுள்ளது.