தொப்பி இராஜதந்திரம்...

ஆசியாவுக்கான விஜயத்தை மேற்கொண்டுள்ள ஐக்கிய அமெரிக்க ஜனாதிபதி டொனால்ட் ட்ரம்ப், ஜப்பானுக்கு முதலில் சென்று, அங்கு சந்திப்புகளை மேற்கொண்டு வருகிறார். இதில் ஜப்பான் பிரதமர் ஷின்ஸோ அபே, தொப்பிகளைப் பரிசாக வழங்கி, ஜனாதிபதி ட்ரம்ப்பை மகிழ்ச்சியில் ஆழ்த்தினார். “டொனால்டும் ஷின்ஸோவும்: கூட்டணியை இன்னும் சிறந்தது ஆக்குவோம்” என, அத்தொப்பிகளில் குறிப்பிடப்பட்டுள்ளது. ஜனாதிபதி ட்ரம்ப், தனது பிரசாரக் காலத்தில், “அமெரிக்காவை மேலும் அதிசிறந்தது ஆக்குவோம்” எனப் பதிக்கப்பட்ட தொப்பிகளை விற்பனை செய்ததோடு, அவற்றை அணிந்தமையும் குறிப்பிடத்தக்கது.