புனித திரிபீடகம் தேசிய மரபுரிமையாக பிரகடனம்

புனித திரிபீடகத்தை, இலங்கையின் தேசிய மரபுரிமையாக,  உத்தியோகபூர்வமாகப் பிரகடனப்படுத்தும் தேசிய நிகழ்வு, இன்று (05), ஜனாதிபதி மைத்திரிபால சிறிசேன தலைமையில், மாத்தளையிலுள்ள வரலாற்று சிறப்புமிக்க அலுவிகாரையில் நடைபெற்றது.

2 ஆயிரத்துக்கும் மேற்பட்ட மகா சங்கத்தினரின் பங்குபற்றுதலுடன் இந்நிகழ்வு நடத்தப்பட்டதற்கு அமைய, நாடளாவிய ரீதியிலுள்ள விகாரைகளில், சமய நிகழ்வுகளும் ஏற்பாடு செய்யப்பட்டுள்ளன.

சுத்தபீடகம், அபி தம்ப பீடகம் மற்றும் வினைய பீடகம் ஆகிய 3 பீடகங்கள் உள்ளடக்கப்பட்டுள்ள இந்தத் திரிபீடகம், கி.மு. 3ஆம் நூற்றாண்டில் மஹிந்த தேரரின் வருகையால், இலங்கைக்குக் கிடைக்கப்பெற்றப் பேறாகவும் மரபுரிமையாகவும் திகழ்கின்றது.