விபத்து; இருவர் பலி

புத்தளம் - அநுராதபுரம் பிரதான வீதியில் பயணித்த லொறியும் காரும், நேற்றுச் செவ்வாய்க்கிழமை (06) மாலை, நேருக்கு நேர் மோதி விபத்துக்குள்ளானதில் காரில் பயணித்த இளைஞர்கள் இருவர் பலியாகியுள்ளதாகப் புத்தளம் பொலிஸார் தெரிவித்தனர்.

இந்த விபத்தில் காயமடைந்த இளைஞர்கள் இருவரும், புத்தளம் பொது வைத்தியசாலையில் அனுமதிக்கப்பட்டு, சிகிச்சை பெற்று வந்த நிலையில் உயிரிழந்துள்ளனர்.

புத்தளம், ரத்மல்கஸ்யாயப் பகுதியைச் சேர்ந்த சஜித் மதுசான் (வயது 23) தினேஷ் (வயது 25) என்ற இளைஞர்களே பலியாகியுள்ளதுடன், லொறியின் சாரதியைக் கைதுசெய்துள்ள புத்தளம் பொலிஸார், மேலதிக விசாரணைகளை மேற்கொண்டு வருகின்றனர். (படப்பிடிப்பு: ஹிரான் பிரியங்கர ஜயசிங்க)