வீதியை விட்டு விலகி முற்றத்தில் விழுந்த கார்

எம். செல்வராஜா

ஹல்தும்முல்ல- வள்ளப்பத்தனை பிரதேசத்தில் காரொன்று வீதியை விட்டு விலகி, வீதியின் கீழ் பகுதியில் அமைந்துள்ள வீட்டின் முற்றத்தில் விழுந்து விபத்துக்குள்ளானதில் மூவர் காயமடைந்துள்ளனர்.

இன்று (29) காலை இடம்பெற்ற இந்த விபத்தில், காரில் பயணித்தவர்களே காயமடைந்துள்ளதுடன், இவர்கள் ஹல்தும்முல்ல வைத்தியசாலைக்கு கொண்டுச் செல்லப்பட்ட நிலையில், அவர்கள் மேலதிக சிகிச்சைக்காக தியத்தலாவ வைத்தியசாலைக்கு மாற்றப்பட்டுள்ளனர்.

மாத்தறையிலிருந்து, ஹல்தும்முல்ல பகுதிக்கு குறித்த காரில் சுற்றுலா வந்த சிலர், பம்பரகல நீர்வீழ்ச்சியைப் பார்வையிட்ட பின்னர், மீண்டும் மாத்தறைக்கு திரும்பிய போதே, இந்த விபத்தை சந்தித்துள்ளனர்.

சம்பவம் தொடர்பில் ஹல்துமுல்ல பொலிஸார் விசாரணைகளை முன்னெடுத்து வருகின்றனர்.