இலங்கை, இங்கிலாந்து டெஸ்ட்: இங்கிலாந்து பலமான நிலையில்

இலங்கை, இங்கிலாந்து அணிகளுக்கிடையில் நடைபெற்று வரும் முதலாவது டெஸ்ட் போட்டியின் முதல் நாளின் ஆரம்பத்தில் இலங்கை அணி ஆதிக்கம் செலுத்திய போதும் இறுதியில் ஜோ ரூட்டின் சிறந்த துடுப்பாட்டம் இங்கிலாந்து அணியை பலமான நிலைக்கு மாற்றியுள்ளது. 

 

முதல் நாள்நிறைவின் போது இங்கிலாந்து அணி 5 விக்கெட் இழப்பிற்கு 344 ஓட்டங்களைப் பெற்றுள்ளது. இதில் ஜோ ரூட் ஆட்டமிழக்காமல் 102 ஓட்டங்களையும், மத் ப்ரையர் ஆட்டமிழக்காமல் 76 ஓட்டங்களையும், இயன் பெல் 56 ஓட்டங்களையும்பெற்றனர். பந்துவீச்சில் நுவான் பிராதீப் இரண்டு விக்கெட்களையும், நுவன் குலசேகர, சமின்ட எரங்க, ரங்கன ஹேரத் ஆகியோர் தலா ஒவ்வொரு  விக்கெட்களையும் கைப்பற்றினர்.