இந்தியாவிற்கு உலகக்கிண்ண வாய்ப்புகள் அதிகம்

உலகக்கிண்ண தொடர் ஆரம்பிப்பதற்கு சரியாக 5 மாதங்கள் உள்ள நிலையில் உலகக்கிண்ணத்தை வெல்லும் வாய்ப்புகள் உள்ள அணிகளை இந்திய ஊடகம் ஒன்று தரப்படுத்தியுள்ளது. அதன் படி நடப்பு உலக சம்பியனும், தரப்படுத்தல்களில் முதன்மை அணியாகவும் திகழும் இந்திய ஆணிக்கு அதிக வாய்ப்புக்கள் வழங்கப்பட்டுள்ளது. இளைய அணியாகவும் களத்தடுப்பு சிறப்பாக இருக்கும் அணியாகவும் இந்திய அணி வர்ணிக்கப்பட்டுள்ளது. 

இலங்கை அணிக்கு மூன்றாம் இடம் வழங்கப்பட்டுள்ளது. அதிகமான சமநிலை அணியாக இலங்கை அணி வர்ணிக்கப்பட்டுள்ளது. துடுப்பாட்டத்தில் மஹேல ஜெயவர்தன, குமார் சங்ககார அடங்கலாக பலமான துடுப்பாட்ட வரிசை மற்றும் லசித் மாலிங்கவின் பந்துவீச்சு அதிகமாக இலங்கை அணி இம்முறை உலகக்கிண்ணத்தை கைப்பற்ற ஏதுவாக அமையும் என கூறப்பட்டுள்ளது. 

 

20-20 உலகக்கிண்ண தொடரில் மஹேல, சங்ககாரவிற்கு கிண்ணத்தை வென்று பிரியாவிடை வழங்கிய இலங்கை அணி உலகக்கிண்ணத்திலும் அவ்வாறு செயற்ப்படும் என எதிர்பார்ப்புக்கள் இருப்பதாகவும் அந்த தரப்படுத்தல் செய்தியில் கூறப்பட்டுள்ளது. தென் ஆபிரிக்கா அணிக்கு இரண்டாமிட வாய்ப்புகள் வழங்கப்பட்டுளளது. உலகக்கிண்ணத்தை நடாத்தும் நாடுகளான அவுஸ்திரேலியா அணிக்கு நான்கமிடமும், நியூசிலாந்து    அணிக்கு எழாமிடமும் வழங்கப்பட்டுள்ளன. 

 

இங்கிலாந்து அணிக்கு ஐந்தாமிடமும், பாகிஸ்தான் அணிக்கு ஆறாமிடமும் வழங்கப்பட்டுள்ளன. மேற்கிந்திய தீவுகள், பங்களாதேஷ், சிம்பாவே அணிகள் தொடர்ந்து வரும் இடங்களை பிடித்துள்ளன.