சென்னை சுப்பர் கிங்ஸ் அணி வெற்றி

சம்பியன்ஸ் லீக் கிரிக்கெட் தொடரில் சென்னை சுப்பர் கிங்ஸ், டொல்பின் அணிகளுக்கிடையிலான போட்டியில் சென்னை சுப்பர் கிங்ஸ் அணி 54 ஓட்டங்களினால் வெற்றி பெற்றது. 

 

இந்தப் போட்டியில் முதலில் துடுப்பாடிய சென்னை சுப்பர் கிங்ஸ் அணி 20 ஓவர்களில் 6 விக்கெட்களை இழந்து 242 ஓட்டங்களைப் பெற்றது. இதில் சுரேஷ் ரெய்னா  90 ஓட்டங்களையும், பிரன்டன் மக்கலம்  49 ஓட்டங்களையும், ரவீந்தர் ஜடேஜா ஆட்டமிழக்காமல் 40 ஓட்டனகளையும்  பெற்றனர். ரொபி பிரைலிங்க் 2 விக்கெட்களைக் கைப்பற்றினார். பதிலுக்கு துடுப்பாடிய டொல்பின்  அணி 20 ஓவர்களில் சகல  விக்கெட்களையும்  இழந்து 188 ஓட்டங்களைப் பெற்றது.  இதில் கோடி செட்டி 38 ஓட்டங்களையும், கமரூன்  டெல்பெர்ட் 34 ஓட்டங்களையும் பெற்றனர். பந்துவீச்சில்  மோஹித் ஷர்மா 4 விக்கெட்களையும், ஆஷிஸ் நெஹ்ரா, டுவைன் ப்ராவோ ஆகியோயர்  தலா 2 விக்கெட்களையும் கைப்பற்றினர். போட்டியின் நாயகனாக சுரேஷ் ரெய்னா தெரிவு செய்யப்பட்டார்.