கியூசின் இறுதிக்கிரியைகள் காரணமாக இந்தியா, ஆஸி போட்டி பிற்போடப்பட்டது

அவுஸ்திரேலியா கிரிக்கெட் வீரர் பிலிப் கியூசின் இறுதிக்கிரியைகள் 3ஆம் திகதி நடைபெறவுள்ள நிலையில், இந்தியா - அவுஸ்திரேலியா அணிகளுக்கிடையிலான முதலாவது டெஸ்ட் போட்டி பிற்போடப்பட்டுள்ளதாக கிரிக்கெட் அவுஸ்திரேலியா அறிவித்துள்ளது. தமது சக வீரரின் இறுதி பிரியாவிடை நிகழ்வில் கலந்து, மறுதினமே போட்டியில் பங்குபற்றுவது வீரர்களுக்கு இயலாத காரியம். வீரர்கள் போட்டியில் பங்குபற்றும் மனநிலையில் இருக்க மாட்டார்கள். அவர்களின் மனநிலைக்கும், மனித பண்புக்கும் நாம் முக்கியத்துவம் வழங்குகின்றோம். எனவே போட்டியை பிற்போடுவதாக முடிவெடுக்கப்பட்டுள்ள போதும் எப்போது என்பது முடிவு செய்யப்படவில்லை. சூழ்நிலையை உணர்ந்துகொண்டு செயற்படும் இந்திய கிரிக்கெட் கட்டுப்பாட்டு சபைக்கு கிரிக்கெட் அவுஸ்திரேலியா நன்றிகளை தெரிவித்துக் கொள்கிறது என கிரிக்கெட் அவுஸ்திரேலியா பிரதம நிறைவேற்று அதிகாரி ஜேம்ஸ் சதர்லாண்ட் தெரிவித்துள்ளார். 

 

பிலிப் கியூசின் இறுதி மரண நிகழ்வு நியூ சௌத்வேல்ஸ் வட பகுதி நகரான மக்ஸ்விலே மூன்றாம் திகதி பிற்பகல் 2 மணிக்கு மக்ஸ்விலே உயர் பாடசாலை விளையாட்டு மண்டபத்தில் நடைபெறவுள்ளது. பண்டபத்தின் பார்வையாளர் பகுதியில் முக்கியஸ்தர்களுக்காக ஒதுக்கப்பட்டுள்ளது. இறுதி பிரியாவிடை நிகழ்வு நேரடி ஒலி, ஒளிபரப்பு செய்யப்படவுள்ளது எனவும் கிரிக்கெட் அவுஸ்திரேலியா அறிவித்துள்ளது. அதேவேளை குறித்த நகருக்கான விஷேட விமான சேவைகளும் ஏற்பாடு செய்யப்பட்டுள்ளன. அதேவேளை குறித்த நகருக்கான விஷேட விமான சேவைகளும் ஏற்பாடு செய்யப்பட்டுள்ளன.