A.P.Mathan / 2015 ஜனவரி 25 , மு.ப. 09:29 - 0 - {{hitsCtrl.values.hits}}
இலங்கை - நியூஸிலாந்து அணிகளுக்கிடையிலான 6ஆவது ஒருநாள் சர்வதேசப் போட்டியில் நியூஸிலாந்து அணி 120 ஓட்டங்களால் வெற்றிபெற்று, தொடரையும் கைப்பற்றியது.
நாணச் சுழற்சியில் வெற்றிபெற்ற நியூஸிலாந்து அணி, முதலில் துடுப்பெடுத்தாட தீர்மானித்தது. அதற்கிணங்க, 50 ஓவர்கள் நிறைவில் 8 விக்கெட்டுகளை இழந்து 315 ஓட்டங்களைப் பெற்றுக்கொண்டது.
நியூஸிலாந்து அணியின் கேன் வில்லியம்சன் 97 ஓட்டங்களுடனும் ரோஸ் டெய்லர் 96 ஓட்டங்களுடனும் துரதிழர்ஷ்டவசமாக ஆட்டமிழந்தனர்.
இலங்கை அணியின் பந்துவீச்சாளர்கள் சார்பில் தம்மிக்க பிரசாத் 2 விக்கெட்டுகளையும் ரங்கண ஹேரம், திஸ்ஸர பெரேரா மற்றும் திலகரட்ண டில்ஷான் ஆகியோர் தலா 1 விக்கெட்டினை வீழ்த்தினர்.
பதிலுக்கு துடுப்பெடுத்தாடிய இலங்கை அணி, 40.3 ஓவர்களில் சகல விக்கெட்டுகளையும் இழந்து 195 ஓட்டங்களை மாத்திரமே பெற்றுக்கொண்டது. அதிகபட்ச ஓட்டமாக குமார் சங்கக்கார 81 ஓட்டங்களைப் பெற்றுக்கொடுத்தார்.
நியூஸிலாந்து அணியின் பந்து வீச்சாளரான குரே அன்டர்ஸன் 4 விக்கெட்டுகளையும் மிச்சல் மக்கிலனகன் 2 விக்கெட்டுகளையும் திரென்ட் போல் 1 விக்கெட்டினையும் கைப்பற்றினர்.
போட்டியின் நாயகனாக குரே அன்டர்ஸன் தெரிவுசெய்யப்பட்டார்.
அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .
