பங்களாதேஷில் நான்கு நாடுகள் ஒருநாள் தொடர்

பங்களாதேஷ் கிரிக்கெட் சபை, தமது நாட்டில் இந்த வருட இறுதியில் நான்கு நாடுகள் பங்குபற்றும் ஒருநாள் சர்வதேசக் கிரிக்கெட் போட்டித் தொடர் ஒன்றை நடாத்த திட்டமிட்டுள்ளதாக பங்களாதேஷ் கிரிக்கெட் சபையின் தலைவர் நஸ்முள் ஹசன் தெரிவித்துள்ளார். 

மேற்கிந்திய தீவுகள் இந்த தொடரில் பங்குபற்ற ஆர்வமாக உள்ளதாக அவர் தெரிவித்துள்ளார். அத்துடன் பாகிஸ்தான் மற்றும் சிம்பாவே அணிகள் இந்த தொடரில் பங்குபற்ற வாய்ப்புகள் உள்ளதாகவும் அவர் தெரிவித்துள்ளார். மற்றைய அணிகளின் போட்டி அட்டவணைகளின் படி இந்த தொடர் நடைபெறும் நேர அட்டவணை தயார் செய்யப்படவுள்ளது. 
 
2019ஆம் ஆண்டு உலகக் கிண்ணத்தை குறி வைத்து பங்களாதேஷ் அணியை மேலும் வளர்க்கும் நோக்கில் முன்னணி அணிகளுடன் பங்களாதேஷ் அணி ஒருநாள் சர்வதேசப் போட்டிகளில் விளையாட தீர்மானித்துள்ளது.