ஆறாமிடத்தில் மோர்கல், ஏழாமிடத்தில் போல்ட்

சர்வதேச கிரிக்கெட் சபையின் டெஸ்ட் போட்டிகளுக்கான பந்துவீச்சாளர்களுக்கான தரவரிசையில், தென்னாபிரிக்காவின் வேகப்பந்துவீச்சாளர் மோர்னி மோர்கல் ஆறாமிடத்துக்கும் நியூசிலாந்தின் வேகப்பந்துவீச்சாளர் ட்ரெண்ட் போல்ட் ஏழாமிடத்துக்கும் முன்னேறியுள்ளனர்.

அவுஸ்திரேலியாவுக்கெதிரான மூன்றாவது டெஸ்டில் ஒன்பது விக்கெட்டுகளைக் கைப்பற்றிய மோர்னி மோர்கல், 11ஆம் இடத்திலிருந்து ஐந்து இடங்கள் முன்னேறி ஆறாமிடத்தைப் பிடித்துள்ளார்.

இதேவேளை, இங்கிலாந்துக்கெதிரான முதலாவது டெஸ்டில் ஒன்பது விக்கெட்டுகளைக் கைப்பற்றிய ட்ரெண்ட் போல்ட், 12ஆம் இடத்திலிருந்து ஐந்து இடங்கள் முன்னேறி ஏழாமிடத்தைப் பிடித்துள்ளார்.

முதல் 10 பந்துவீச்சாளர்களுக்கான தரவரிசை பின்வருமாறு, 1. கஜிஸோ றபாடா, 2. ஜேம்ஸ் அன்டர்சன், 3. இரவீந்திர ஜடேஜா, 4. இரவிச்சந்திரன் அஷ்வின், 5. ஜொஷ் ஹேசில்வூட், 6. மோர்னி மோர்கல், 7. ட்ரெண்ட் போல்ட், 8. நீல் வக்னர், 9. வேர்ணன் பிலாந்தர், 10. ரங்கன ஹேரத்