இ – 20 உலகக் கிண்ணம்: இலங்கைக்கு வெற்றியிலக்கு 147 ஓட்டங்கள்

சர்வதேச கிரிக்கெட் சபையின் இருபதுக்கு – 20 உலகக் கிண்ணத் தொடரில், பல்லேகலவில் நடைபெற்று வரும் இங்கிலாந்துக்கெதிரான குழு இரண்டு சுப்பர் 8 சுற்றுப் போட்டியில் இலங்கை வெற்றி பெறுவதற்கு 147 ஓட்டங்களைப் பெற வேண்டியுள்ளது.

இப்போட்டியில் முதலில் துடுப்பெடுத்தாடப் பணிக்கப்பட்ட இங்கிலாந்து, டுனித் வெல்லலாகே (3), மகேஷ் தீக்‌ஷன (2), துஷ்மந்த சமீர, டில்ஷான் மதுஷங்கவிடம் (2) விக்கெட்டுகளைப் பறிகொடுத்து 20 ஓவர்களில் 9 விக்கெட்டுகளை இழந்து 146 ஓட்டங்களைப் பெற்றது. துடுப்பாட்டத்தில் பில் ஸோல்ட் 62 (40), வில் ஜக்ஸ் 21 (14), ஹரி ப்றூக் 14 (07), ஜேமி ஒவெர்ட்டன் ஆட்டமிழக்காமல் 10 (10) ஓட்டங்களைப் பெற்றனர்.