இ – 20 உலகக் கிண்ணம்: நெதர்லாந்தைச் சுருட்டிய ஐ. அமெரிக்கா

சர்வதேச கிரிக்கெட் சபையின் இருபதுக்கு – 20 உலகக் கிண்ணத் தொடரில், சென்னையில் தற்போது முடிவுக்கு வந்த நெதர்லாந்துக்கெதிரான குழு ஏ போட்டியில் ஐக்கிய அமெரிக்கா வென்றது.

இப்போட்டியில் முதலில் துடுப்பெடுத்தாடப் பணிக்கப்பட்ட ஐக்கிய அமெரிக்கா, சைடெஜா முக்கமல்லாவின் 79 (51), ஷுபம் ரஞ்சனேயின் ஆட்டமிழக்காத 48 (24), அணித்தலைவர் மொனாக் பட்டேலின் 36 (22), ஷயான் ஜஹங்கிரின் 20 (14) ஓட்டங்களோடு 20 ஓவர்களில் 6 விக்கெட்டுகளை இழந்து 196 ஓட்டங்களைப் பெற்றது. பந்துவீச்சில் பஸ் டீ லீட் 4-0-37-3, லோகன் வான் பீக் 4-0-28-1, கைல் கிளெய்ன் 4-0-35-1 என்ற பெறுதிகளைக் கொண்டிருந்தனர்.

பதிலுக்கு 197 ஓட்டங்களை வெற்றியிலக்காகக் கொண்டு துடுப்பெடுத்தாடிய நெதர்லாந்து, நொஸ்துஷ் கெஞ்சிகே, ஹர்மீட் சிங் (4), ஷட்லி வன் ஸ்கல்குவாக் (3), மொஹமட் மொஹ்சின்னிடம் (2) விக்கெட்டுகளைப் பறிகொடுத்து 15.5 ஓவர்களில் சகல விக்கெட்டுகளையும் இழந்து 103 ஓட்டங்களையே பெற்று 93 ஓட்டங்களால் தோல்வியடைந்தது.

இப்போட்டியின் நாயகனாக ஹர்மீட் சிங் தெரிவானார்.