இந்தியக் குழாமுடன் இணைந்த ரோஹித் ஷர்மா

அவுஸ்திரேலியாவின் மெல்பேணில் இந்திய அணியுடன் இன்று ரோஹித் ஷர்மா இணைந்துள்ளார். சிட்னியில் இரண்டு வாரம் தனிமைப்படுத்தலை முடித்துக் கொண்டதைத் தொடர்ந்தே இந்திய அணியுடன் ரோஹித் இணைந்துள்ளார்.

இந்நிலையில், எதிர்வரும் வியாழக்கிழமை ஆரம்பமாகவுள்ள அவுஸ்திரேலியாவுக்கெதிரான மூன்றாவது டெஸ்டில் ஷர்மா இடம்பெறுவாரா என்ற முடிவெடுப்பதற்கு முன்பாக, இரண்டு வாரம் தனிமைப்படுத்தலில் இருந்த பின்னர் பெளதிக நிலைமையில் ஷர்மா எவ்வாறுள்ளார் என மருத்துவ அணி ஆராயும் என இந்தியாவின் பயிற்சியாளர் ரவி ஷாஸ்திரி தெரிவித்துள்ளார்.