‘இந்தியாவுக்கெதிரான இறுதி 2 டெஸ்ட்களில் விளையாட முடியும்’

இந்தியாவுக்கெதிரான தொடரின் இறுதி இரண்டு டெஸ்ட் போட்டிகளிலும் விளையாட முடியுமென இங்கிலாந்தின் ஜொஃப்ரா ஆர்ச்சர் தெரிவித்துள்ளார்.

காயங்கள் காரணமாக நான்கு ஆண்டுகள் டெஸ்ட் கிரிக்கெட்டைத் தவறவிட்டிருந்த 30 வயதான ஆர்ச்சர், இந்தியாவுக்கெதிரான மூன்றாவது டெஸ்டிலேயே தனது மீள்வருகையை புரிந்திருந்தார்.

நான்காவது, ஐந்தாவது டெஸ்ட் போட்டிகள் மூன்று நாள்கள் இடைவெளியில் ஆரம்பிக்கின்றமை குறிப்பிடத்தக்கது.

இந்நிலையில் அவர்கள் அனுமதித்தால் இரண்டு டெஸ்ட் போட்டிகளிலும் தன்னால் விளையாட முடியுமெனத் தெரிவித்த ஆர்ச்சர், ஆஷஸ் தொடருக்கான குழாமில் இடம்பெறுவதற்கான தன்னால் முடிந்த அனைத்தையும் செய்யவுள்ளதாகக் கூறியுள்ளார்.