இந்தியாவை வீழ்த்துமா இலங்கை?

இந்திய, இலங்கை அணிகளுக்கு இடையிலான மூன்று போட்டிகள் கொண்ட இருபதுக்கு – 20 சர்வதேசப் போட்டித் தொடரானது, மும்பையில் இன்றிரவு 7 மணிக்கு நடைபெறவுள்ள முதலாவது போட்டியுடன் ஆரம்பிக்கின்றது.

இந்திய அணியில் காயம் காரணமாக அணித்தலைவர் றோஹித் ஷர்மாவும், ஓய்வால் லோகேஷ் ராகுல், விராட் கோலி இல்லாத நிலையில், ராகுல் ட்ரிபாதி, ருத்துராஜ் கைகவாட், இஷன் கிஷன், ஷுப்மன் கில் உள்ளிட்ட வீரர்கள் தம்மை நிரூபிப்பதற்கான வாய்ப்பாக இத்தொடர் காணப்படுகின்றது.

இதேவேளை, ஜஸ்பிரிட் பும்ரா, புவ்னேஷ்வர் குமார், மொஹமட் ஷமி, மொஹமட் சிராஜ் இல்லாத நிலையில், முகேஷ் குமார், ஷிவம் மவி உள்ளிட்டோரை அணி நிர்வாகம் சோதிக்கும் எனத் தெரிகிறது.

மறுபக்கமாக அணித்தலைவர் தசுன் ஷானக, வனிடு ஹஸரங்க போன்றோருடன் லங்கா பிறீமியர் லீக்கில் பெறுபேறுகளை வெளிப்படுத்திய அவிஷ்க பெர்ணாண்டோ, சதீர சமரவிக்கிரம, அஷேன் பண்டாரவுடன் பலமாகவே இலங்கை காட்சியளிக்கிறது.

பானுக ராஜபக்‌ஷ போன்றோர் தொடர்ந்து அணியில் இடம்பெறுவதற்கு தொடர்ந்து ஓட்டங்களைப் பெற வேண்டியுள்ளது.