இந்தியாவை வென்ற அவுஸ்திரேலியா

இந்தியாவுக்கெதிரான முதலாவது ஒருநாள் சர்வதேசப் போட்டியில் அவுஸ்திரேலியா வென்றது.

மூன்று போட்டிகள் கொண்ட இத்தொடரில், பேர்த்தில் நடைபெற்ற இப்போட்டியில் முதலில் துடுப்பெடுத்தாடப் பணிக்கப்பட்ட இந்தியா மழை காரணமாக 26 ஓவர்களாக சுருங்கிய இனிங்ஸில் 9 விக்கெட்டுகளை இழந்து 136 ஓட்டங்களைப் பெற்றது. லோகேஷ் ராகுல் 38 (31), அக்ஸர் பட்டேல் 31 (38), நிதிஷ் குமார் ரெட்டி ஆட்டமிழக்காமல் 19 (11) ஓட்டங்களைப் பெற்றனர். ஜொஷ் ஹேசில்வூட், மத்தியூ கூனுமென், மிற்செல் ஓவன் ஆகியோர் தலா 2 விக்கெட்டுகளைக் கைப்பற்றியதோடு, மிற்செல் ஸ்டார்க், நாதன் எலிஸ் ஆகியோர் தலா ஒவ்வொரு விக்கெட்டைக் கைப்பற்றினர்.

டக்வேர்த் லூயிஸ் ஸ்டேர்ன் முறைப்படி 26 ஓவர்களில் 131 ஓட்டங்களை வெற்றியிலக்காகக் கொண்டு துடுப்பெடுத்தாடிய அவுஸ்திரேலியா, 21.1 ஓவர்களில் 3 விக்கெட்டுகளை இழந்த நிலையில் வெற்றியிலக்கையடைந்தது. அணித்தலைவர் மிற்செல் மாஷ் ஆட்டமிழக்காமல் 46 (52), ஜொஷ் பிலிப் 37 (29), மற் றென்ஷோ ஆட்டமிழக்காமல் 21 (24) ஓட்டங்களைப் பெற்றனர்.

இப்போட்டியின் நாயகனாக மாஷ் தெரிவானார்.