இரண்டாமிடத்துக்கு முன்னேறிய றோஹித் ஷர்மா

சர்வதேச கிரிக்கெட் சபையின் ஒருநாள் சர்வதேசப் போட்டிகளுக்கான துடுப்பாட்டவீரர்களுக்கான தரவரிசையில் இரண்டாமிடத்துக்கு இந்தியாவின் அணித்தலைவர் றோஹித் ஷர்மா முன்னேறியுள்ளார்.

இலங்கைக்கெதிரான மூன்றாவது போட்டியில் 35 ஓட்டங்களைப் பெற்றமையைத் தொடர்ந்தே மூன்றாமிடத்திலிருந்து ஓரிடம் முன்னேறி இரண்டாமிடத்தை ஷர்மா அடைந்துள்ளார்.

குறித்த போட்டியில் 45 ஓட்டங்களைப் பெற்ற இலங்கையின் பதும் நிஸங்க, ஒன்பதாமிடத்திலிருந்து ஓரிடம் முன்னேறி எட்டாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. பாபர் அஸாம், 2. றோஹித் ஷர்மா, 3. ஷுப்மன் கில், 4. விராட் கோலி, ஹரி டெக்டர், 6. டரைல் மிற்செல், 7. டேவிட் வோர்னர், 8. பதும் நிஸங்க, 9. டேவிட் மலன், 10. றஸி வான் டர் டுஸன்.

முதல் 10 பந்துவீச்சாளர்களின் தரவரிசை பின்வருமாறு,

1. கேஷவ் மஹராஜ், 2. ஜொஷ் ஹேசில்வூட், 3. அடம் ஸாம்பா, 4. குல்தீப் யாதவ், 5. பெர்னார்ட் ஸ்கொல்ட்ஸ், 6. மொஹமட் நபி, 7. ஷகீன் ஷா அஃப்ரிடி, 8. ஜஸ்பிரிட் பும்ரா, 9. ட்ரெண்ட் போல்ட், மொஹமட் சிராஜ்.

முதல் ஐந்து சகலதுறைவீரர்களின் தரவரிசை பின்வருமாறு,

1. மொஹமட் நபி, 2. ஷகிப் அல் ஹஸன், 3. சிகண்டர் ராசா, 4. அசாட் வலா, 5. ரஷீட் கான்.