இரண்டாவது டெஸ்ட் நாளை

நியூசிலாந்து, மேற்கிந்தியத் தீவுகள் அணிகளுக்கிடையிலான இரண்டு போட்டிகள் கொண்ட டெஸ்ட் தொடரின் இரண்டாவது போட்டி, ஹமில்டனில், இலங்கை நேரப்படி நாளை அதிகாலை 3.30க்கு ஆரம்பிக்கின்றது.

முதலாவது டெஸ்டில் இனிங்ஸ் தோல்வியைச் சந்தித்த மேற்கிந்தியத் தீவுகள், இப்போட்டியோடு சேர்த்து இவ்வாண்டு இரண்டு தடவைகள் தாமதமாகப் பந்துவீசியதன் காரணமாக இப்போட்டியில் அணித்தலைவர் ஜேஸன் ஹோல்டரையும் இழந்துள்ளது. இப்போட்டியில் கிரேய்க் பிறத்வெய்ட் மேற்கிந்திய தீவுகளுக்கு தலைமை தாங்குவார் என எதிர்பார்க்கப்படுகிறது.

மறுபக்கம், தனக்கு முதலாவது குழந்தை பிறந்தமை காரணமாக முதலாவது போட்டியைத் தவறவிட்ட நியூசிலாந்தின் சிரேஷ்ட வேகப்பந்துவீச்சாளர் டிம் செளதி, இரண்டாவது டெஸ்டில் மற் ஹென்றியை பிரதியீடு செய்வார் என எதிர்பார்க்கப்படுகிறது.